Top 10 atangin pakhat a tla ta!

JB Cable Network buatsaih Zo-Star '08 Top 10 te chuan zan Li zet hla hrang hrang hmanga inelna an neih hnuin, 5th April zan khan result hmasa ber chu puan a ni ta a, H.C Zoramsanga Lunglei Chanmari chuan Contest hi a chawlhsan a ngai ta a ni.

Zoramsanga hi Organising Comtt leh a Contestant pui te chuan ui hle mahse pakhat te tea in kalsan zel tur an nih miau avangin mittui nen an thlah liam ta a, Contest chhunga thil chi hrang hrang mi tam tak hnen atanga a dawn bakah Zoramsanga hian Top 10 a tlin avang hian pawisa fai Rs 4000/-organising comtt atangin a dawng a, hei bakah hian Foreign Rizai, Fidelia Store in a mah thlah nana an pek leh Reliance Company pek Mobile HandSet leh Sim Card a dawng a, Certificate mawi tak Organising Comtt chuan a pe bawk.

Zoramsanga tlak zan hian a thiante mi pakua chuan inelna hi an chhunzawm leh nghal a, 8th April zan hian result puan a ni leh anga hetah hian mi pakhat chuan Contest hi a chawlhsan ve leh dawn a, a dang mi pariat ten inelna hi an chhunzawm ve leh thung ang.

Video Clip pawh upload leh ani ta e.

Top 10 atangin pakhat a tla dawn hnai ta.A boruak erawh a sang chho zel.

JB Cable Network Lunglei Zo-Star 2008 Top 10 boruak chu a invawrh sang chho zela tunah zet chuan Leitlangpui mai nilovin,Zoram khawvel leh khawvel hmun hrang hranga Zofate'n an ngaihven ber a ni ta.2nd April zan boruaknuam tak hnuaiah chuan JB studio kawt velah mipui sang tel te chu an zi mur mur maia, heng mipui zozai te hian enge an tih tih chu inzawh kher ngai lovin Zo-Star Top 10 zai ngaithla chaka pungkhawm an ni tih chu mitin mai chuan an chiang em em a ni.

An beisei leh nghahhlelh ang ngeiin zan dar 7:30 a rik chiah chuan Host zei leh hmeltha Nula Mary chu a rawn dingchhuak a,zei tak maia thlirtu mipuite lawmna thu a sawi hnuin,intihsiakna chu tan a ni ta e.Hemizan hian an mahni hla duhzawng ngei mai Contestant te hian an sa bawka an zaithiam kher mai, mipui lam pawn atanga Big Screen hmanga thlirtute thawm pawh mitdel te hriattham an tih ang mai in a ring bawka, Contestant te zai timawi leh zual tura Musician te kutthlak felfai tak te chu hnial hrat hrim hrim tan lo chuan sawisel tur a vang kher mai.Contestant te an duhtawka an chet hnu chuan 5th April zana chhunzawm leh turin he zan hlimawm tak leh boruak sang ru tak si hi khamlo takin tihtawp a tul ta.

5th April zan erawh hi chuan inelna a nih miau avangin Conestant 10 zing a mi pakhat chu Zo-Star top 10 inelna atang hian a chawlh a ngai tur erawh a huphurhawm lawk a ni.Hetiang hi a lo nih tak si ah chuan Zo-Star ni ngei tura i lo tan em em kha a tlak mai lohna tur chuan tanpui theihna i nei ve a, chu chu SMS hmanga i lo vote ve kha a ni e. An vote theihna number chu hengte hi ani.

1.Lalropuii Pachuau- Sl.No 217- Ph.9862436542
2.CR Laldingliani - Sl.No 252- Ph.9436147012
3.K.Lalrinmawii - Sl.No 281- Ph.9436147569
4.David Lalzawmliana- Sl.No 436- Ph.9436157593
5.Zonunmawia Hrahsel- Sl.No 131- Ph.9436156096
6.R.Lalremfeli - Sl.No 286- Ph.9862436464
7.C.Lalawmpuia - Sl.No 205- Ph.9436147024
8.CV.Lalmalsawmi - Sl.No 239- Ph.9862716202
9.HC.Zoramsanga - Sl.No 426- Ph.9436147445
10.C.Zonunmawii - Sl.No 312- Ph.9862925388

Heng phone number kan dah ah hian i duh ber hi an Sl.No hmang hian, 3rd April 12:00 Noon-5th April 12:00 Noon thleng SMS hmangin i vote thei tih i hre dawn nia.

Video pawh hi theih anga upload zel a ni a. Mahse dialup anih avangin clip rei kan dah theilo a ni.

zo-star open air boruak zet chu

28th march zana zo-star top 10 ten a hring a hrana mipui hma a an inlan zet chu Leitlangpui an sawinghing chiang kher mai an mahni thlirtu leh ngaisangtu mipui sang tam tak te chu control harsa khawpin an boruak a sosang a ni.Open air perfomance a ni bawka contestant te an zei in an zaithiam hlawm kher mai,an mahni thlirtu mipuite lung pawh an tiawi hle in a lang.

Top 10 te hian 2nd April zan hian mahni hla duhthlan ngei hmangin inelna an chhunzawm leh anga, 5th April zan atang erawh chuan an zinga pakhat chuan min chawlhsan a ngai dawn ta a ni.Top 10 te zai mawi tak mai a rem sak thintu Musicians Zarmawia, Marama, Valpuia leh Freddy te thiam zia mawlh mai hi sawi fe tham a awm a sin, lo thlir ve la i chiang kuar mai ang.

Lai, Mara leh Hmar Hla

Zo-Star 2008 top 10 te chu a tum hnihna atan 25th march zan khan Zohnahthlak hnam hrang hrang hla (Lai, Mara, Hmar) hla hmangin an inel leh a he Programme hian Mipuite hlut a hlawh tak zet a ni.

Contestant ten an hla sak ngai loh Lai, Mara leh Hmar hla nalh leh mawi tak maia an sak hi Leitlangpui ah chuan In lamah mi tamtak ten Live a an thlir bakah JB Studio kawtah Big Screen hmangin mi sang tel te meuhin an thlir bawk a ni.

Hemi zan tihlungtu te zingah hian, Guest Commentator Mara zaithiam lar S.Ngodei bakah hmar hla expert Pu Thilthakunga Sellate leh Pi Partei zaithiam Bethsy Nu, Lai hla comment te chu ngaihthlak a khamawm loh khawp mai.Hei bakah hian A.I.R Lunglei Audition Board memeber Pu C.Thangdula'n Comment ngaihnawm tak a pe bawk.

Zo hnahthlak hnam hrang pual liau liau a Programme buatsaih a ni hian Zo-Star 2008 hlutna a ti zual hle a ni.28th March zan hian Top 10 chin te hian Open Air ah an perform ve thung anga hetah hian an mahni hla duhzawng tak leh Mizo Classic hla te hmangin mipui hmaah an inlan dawn a, he hun hi Lunglei mipuite chuan nghakhlel takin an thlir mek a ni.

Zo Star Top 10 Update

Zo-Star 2008 thlanna kal zelah Top 10 chinte chuan, a hmasa ber atan 18th March zan khan inelna an tan ta a; mipuiin an hlut hle. Zaithiam 10 rual ten anmahni style theuh a an hla duh zawng Live Music nen an han sukpui vel chu thlirtu mipui ten tawrh zawh har an ti hle a ni.Top 10 te hian Mizo hranghlui hla anmahni duh zawng theuh leh Pipu zai (folk Song) hmangin mipui hma ah an inlan a, hei bakah hian Zo-Star 2008 theme song "Sappui nun ngailo ten" tih, Pu Roliana Ralte (L) phuah chu a huhovin mawi nalh danglam tak maiin an sa bawk a, an zai rimawi thangkhawk vel chuan hun rei lo te chhungin Leitlangpui mai bakah Zoram hmun hrang hrang a nghawr nghing nghal a ni.

Top 10 te zaimawi tak mai chawih tura Rimawi lo tum saktu Zo-Star 2008 Musician te kutchhuak nalh zet mai chuan ngaihthlatute beng a fah tak zet a, Zoram hmun hrang hrang bakah Zo-Star 2008 Website 'www.jbzostar.blocksport.com" atangin khawvel hmun hrang hranga mite pawhin an hrechiang hle a ni.Zo-Star 2008 Top 10 te Live Music nen a an inlan zankhatna ah hian, Leitlangpui ah chuan mi sang tam tak ten anmahni Inlum atanga an thlir mai bakah JB Studio bul velah Big Screen hmangin mi tam takin an thlir bawk a ni.Top 10 te hian 25th March zan hian, Zohnahthlak tawng hrang hrang hla nen mipuite hmaah an inlan leh dawn a,he hun lo thleng tur hi a nghahhlelhawm tak zet a ni.

Fakselna englai pawhin kan site hmang hian kan dawngsawng thei e.

Zo Star Top 10 inelna tan ani dawn ta!

Mizoram a Reality Show lawmman pawisa fai tamna ber Zo-Star 2008 Lunglei a neih mek chu a boruak a hot chho tan hle ta. Zo-Star ah hian Contestant 500 chuangte atangin Top 10 thlanfel an ni tawh a .

Top 10 te hian 18th March zan atang hian in elna an nei tan anga, hemi zan hian Theme Song "Sappui Nun ngailo ten" tih hla Pu Roliana Ralte (L) hla phuah bakah Folk song, leh Mizo Classic Song te an sa dawn a ni.Top 10 chinte hian tum 4 inelna an neih hnuin pakhat zelin zantin tihtlak an ni ang.

Top 10 chin atang hian pakhat zelin an tla thin dawn a ni.Zo-Star 2008 Programme hi JB Cable Network Live in a pechhuak thin a hei bakah hian LPS Aizawl leh Mizoram hmun hrang hrangah pekchhuah a ni bawka mipui ten an hlut hle.

Top 10

1.Lalropuii Pachuau 217
2.C.Zonunmawii 312
3.K.Lalrinmawii 281
4.Zonunmawia Hrahsel 131
5.H.C.Zoramsanga 426
6.R.Lalremfeli 286
7.C.V.Lalmalsawmi 239
8.C.Lalawmpuia 205
9.David Lalzawmliana 436
10.C.R.Laldingliani 252